Innanlands

Trý frystilínuskip undir Íslandi og trý undir Føroyum

Meting frá Fiskamarknaðinum um viku 11: Ein part av vikuni verður tað helst nakað av útróðri

Klakkur (Savnsmynd: Kiran Jóanesarson)

Klakkur (Savnsmynd: Kiran Jóanesarson)

2021-03-15 12:50 Author image
Sverri Egholm
placeholder

Línuskip: Eitt ísfiskalínuskip er undir Íslandi og fýra eru undir Føroyum. Skipini fiska mest av toski og hýsu og so nakað av longu og brosmu. Skipni landa sum vikan líður. Væntandi fara nøkur línuskip út í næstum. Trý frystilínuskip eru undir Íslandi og trý eru undir Føroyum.

Útróður: Streymurin er harður fyrst í vikuni, men batnar sum vikan gongur. Veðri verður hampuligt ein part av vikuni, so helst verður nakað av útróðri.

Djúpvatnstrolarar: Ein er nýliga byrjaður túr eystanfyri og roynur hann eftir svartkalva. Møguliga landar hann síðst í vikuni. So eru tað havransóknarskipini sum eru norðanfyri og gera yvirlitstrolingar. Teir koma at landa fyrst ella miðskeiðis í vikuni.

Partrolarar: Tey flestu pørini eru til fiskarí. Fiskiskapurin er heldur fragari nú. Tey landa sum vikan líður.

Trolbátar: Bara tveir eru úti, men møguliga fer onkur avstað í vikuskiftinum. Fiskiskapurin er smáligur.

Garnaskip: Tvey fiska svartkalva og koma at landa síðst í vikuni. Fiskaríið er smáligt. Eitt fiskar havtasku og hevur tað brúligan fiskiskap. Tað landar miðskeiðis í vikuni.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder