Tasiilaq skal landa svartkjaft til Havsbrún

Grønlendska uppsjóvarskipið Tasiilaq kom í kvøld á Fuglafjørð, har skipið skal landa svartkjaft til Havsbrún.

Tasiilaq hevur verið á svartkjaftaveiðu í føroyskum sjógvi, og skal landa veiðuna - 2.200 tons, til Havsbrún, har svartkjafturin verður framleiddur til mjøl og lýsi, og síðani til fóður.

Fá skip eru í løtuni á svartkjaftaveiðu. Av teimum føroysku skipunum eru tað einans Norðingur og Arctic Voyager, sum eru á svartkjaftafeltinum eystanfyri í føroyskum sjógvi.