Stelkur og Bakur máttu bróta túrin av

Partrolararnir vóru til fiskiskap eystanfyri, tá ið bæði skipini fingu tekniskar trupulleikar.

Partrolararnir Stelkur og Bakur vóru júst farnir til fiskiskap, eftir at skipini hava verið á Mest í Havn, men máttu bróta túrin av eftir at bæði skipini fingu tekninskar trupulleikar, sum tó einki hava við Mest at gera.

Bakur fekk tekniskar trupulleikar í lastini, og Stelkur fekk tekniskar trupulleikar við trolspælinum.

Avgjørt var tí at sigla á Runavík í gjárkvøldið, har trupulleikarnir skuldu umvælast.

Stelkur og Bakur fóru aftur til fiskiskap í nátt.