Smyril Line hevur selt Akranes

Farmaskipið Akranes, sum higartil hevur verið partur av flotanum hjá Smyril Line, er nú selt til reiðaríið Fred Olsen Express, boðar Smyril Line frá í tíðindaskrivi. Skipið verður latið nýggja eigaranum í Las Palmas á Gran Canaria í juni ella juli í ár.

Í tíðarskeiðinum frá tí, at Akranes fer úr flotanum og til ein nýbygningur er klárur at taka yvir, rekur annað skip leiðina.

Sølan er ein týðandi liður í endurnýggjanini av farmaskipaflotanum hjá Smyril Line, sum arbeiðir miðvíst við at dagføra flotan og framtíðartryggja virksemið, skrivar Smyril Line.