Innanlands

Móttøka fyri Akrabergi í morgin

Nýggjasta skipið í flotanum hevur verið til fiskiskap í Barentshavinum síðan tað varð handað føroysku eigarunum í juni

(Mynd: Sverri Egholm)

(Mynd: Sverri Egholm)

2022-08-17 17:20 Author image
Ingi Samuelsen
placeholder

Nú verður endiliga møguleiki hjá fuglfirðingum og øðrum at uppliva nýggjasta skipið í flotanum.

Í morgin kemur nýggi Akraberg hjá Spf. Framherja á Fuglafjørð, og klokkan 16 verður móttøka fyri nýggja skipinum.

Akraberg leggur at undir skrivstovubygninginum hjá Framherja. Á skránni verður millum annað hornorkestur, røður og møguleiki fyri at fara umborð.

Akraberg er fyrsti nýbygningur hjá Spf. Framherja. VARD skipasmiðjan í Brattvåg stóð fyri byggingini. Skrokkurin varð smíðaður í Turkalandi, haðani hann varð togaður til Noregs at gerast liðugur, áðrenn skipið kundi handast eigarunum í juni mánaði.

Akraberg fór tá beinleiðis til fiskiskap í Barentshavinum.

Les eisini: Akraberg sett kós móti Føroyum við 860 tonsum 

Sí eisini: Myndir: Her er nýggi Akraberg   

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder