Høgaberg landar svartkjaft í Fuglafirði

Uppsjóvarskipið Høgaberg er komið á Fuglafjørð, har skipið skal landa svartkjaft.

Høgaberg hevur fiskað 3.150 tons av svartkjafti í føroyskum sjógvi, og fiskiskapurin hevur verið góður.

Veiðan verður landað til Havsbrún, og Høgaberg fer aftur á svartkjaft tá ið liðugt er at landa.

Hjá Havsbrún verður svartkjafturin framleiddur til mjøl og lýsi, og síðani til fóður.