Høgaberg landar svartkjaft í Fuglafirði

Uppsjóvarskipið Høgaberg kom í gjár á Fuglafjørð, har skipið skal landa svartkjaft.

Høgaberg hevur verið á svartkjaftaveiðu í altjóða sjógvi vestanfyri Írland, og landar umleið 3.300 tons til Havsbrún.

Fiskiskapurin hevur verið góður, og tá ið liðugt er at landa, verður farið aftur á svartkjaftaveiðu.

Hjá Havsbrún verður svartkjafturin framleiddur til mjøl og lýsi og síðani til fóður.