Innanlands

Heiður til tyrlumanning á Sjómannadegnum

Tyrlumanning varð heiðrað fyri stóra bjargingarátakið týsmorgunin 6. februar, tá frystilínuskipið Kambur fekk ein sjógv og sakk

(Mynd: Ólavur Frederiksen / Atlantic Airways)

2024-08-17 17:57

Sverri Egholm

Í dag varð tyrlumanningin hjá Atlantic Airways heiðrað á ársins Sjómannadegi í Klaksvík.

Heiðurin varð latin fyri stóra bjargingarátakið tíðliga týsmorgunin 6. februar í ár, tá ið frystilínuskipið Kambur fekk ein sjógv uml. 17 fjórðingar í ein útsynning úr Akrabyrgi og sakk stutt eftir. 14 mans vórðu bjargaðir hendan dagin.

[object Object] (Mynd: Ólavur Frederiksen / Atlantic Airways)

Tórbjørn Jacobsen flutti fram røðu í sambandi við, at heiðurin varð latin.

Tað vóru Andreas Mouritsen, Hallur Jensen, Bjørn Sjúrður Patursson og John Johannesen, sum mannaðu tyrluna hendan dagin í februar.

[object Object] (Mynd: Ólavur Frederiksen / Atlantic Airways)

Vinarliga broyt tínar kennifíla - og privatlívsstillingar fyri at síggja hetta innihald