Gøtunes landar í Íslandi

Uppsjóvarskipið Gøtunes kom í dag til Íslands, har skipið skal landa svartkjaft.

Gøtunes kom á Fáskrúðsfjørð seinnapartin, har skipið skal landa 3.450 tons til Lodnuvinsluna.

Gøtunes hevur verið á svartkjaftaveiðu í føroyskum sjógvi, og fiskiskapurin hevur verið góður.

Tá ið liðugt er at landa, verður farið aftur á svartkjaftaveiðu í føroyskum sjógvi.