Fuglberg og Skoraberg landað í Klaksvík

Partrolararnir Fuglberg og Skoraberg hava í dag landað gulllaks í Klaksvík.

Parið hevur fiskað vestanfyri, og hevur fiskað 220 tons av gulllaksi.

Veiðan bleiv landað í Klaksvík, men tað er Tavan í Leirvík, sum keypir gulllaksin frá føroysku skipunum.

Fuglberg og Skoraberg rigga seg í skrivandi løtu til at fara aftur til fiskiskap undir Føroyum.