Fleiri skip landa svartkjaft uttanlands

Uppsjóvarskipini hava góðan fiskiskap undir Føroyum, og fleiri eru farin uttanlands at landa.

Ango er farin til Írlands, har skipið skal landa 1.600 tons av svartkjafti í Killybegs.

Gøtunes og Vestmenningur eru farin til Danmarkar, har Gøtunes skal landa 3.400 tons av svartkjafti í skagen, og Vestmenningur skal landa 2.300 tons av svartkjafti í Thyborøn.

Birita er farin til Noregs, har skipið skal landa 1.900 tons í Karmsund.

Skipini fara aftur til fiskiskap tá ið liðugt er at landa.