Christian í Grótinum hevur landað í Fuglafirði

Uppsjóvarskipið Christian í Grótinum landaði í gjár umleið 700 tons av makreli til Pelagos í Fuglafirði.

Christian í Grótinum hevur verið á makrelveiðu eystanfyri Føroyar, har hini skipini eisini royna, og fiskiskapurin hevur verið hampiligur.

Tá ið liðugt var at landa, fór Christian í Grótinum aftur til fiskiskap eftir makreli.