Boyuopið fekst ikki aftur

Danska skaðanevndin er komin við frágreiðing um vanlukkuna tá frystilínuskipið Kambur 6. februar 2024 sakk og tveir menn ikki komu afturíaftur.

Tað hendi 17 fjórðingar sunnan fyri Føroyar eftir at Kambur hevði tikið nógvan sjógv inn gjøgnum eina lúku í bakborð.

Ein blanding av ringum veðrið, høgari aldu og stabilitetinum hjá skipinum gjørdi, at skipið sakk, stendur at lesa í frágreiðingini.

(Mynd: Den Maritime Haverikommission)

(Mynd: Den Maritime Haverikommission)

Aldurnar kundu skola inn gjøgnum lúkuna, boyðuopið, inn á dekkið. Manningin í boyurúminum royndi at lata lúkuna aftur, men hon vildi ikki heilt aftur og stóð tí hálvt opin.

Tað lat seg heldur ikki gera at steingja av millum boyurúmið og fabrikkina. Hetta orsakað av vatntrýstinum frá boyurúminum.

Skipið sakk klokkan 10:08 hendan dagin.

Fjúrtan av manningin vórðu bjargaðir av skipinum við tyrlu. Tveir av manningini komu ikki afturíaftur.

Frágreiðingin hjá donsku skaðanevndini kann lesast her

--

Lesið dramatisku frágreiðingarnar frá sjóforhoyrinum her:

Menninir á brúnni máttu hivast upp við brandslangu

- Tá eg kom uppaftur úr sjónum var einki at síggja til hann

Bara ein maður sá kokkin henda morgunin