Innanlands

Aspirantar sleppa í starvsvenjing hjá Torm

Vinnuháskúlin og Torm hava undirskrivað avtalu um starvsvenjing umborð á teirra skipum. Danska tangaskipareiðaríið hevur í løtuni 81 framkomin skip í sínum flota

(Mynd: Vinnuháskúlin)

(Mynd: Vinnuháskúlin)

2022-09-15 15:16 Author image
Sverri Egholm
placeholder

Vinnuháskúlin hevur fingið starvsvenjingaravtalu í lag við danska tangaskipareiðaríið TORM A/S. TORM hevur í løtuni 81 framkomin tangaskip í sínum flota. Vinnuháskúlin metir, at tað fer at styrkja um aspirantskipanirnar á Vinnuháskúlanum, at norðurlendsk reiðarí leggjast afturat núverandi føroysku reiðaríum. Fyri tann aspirantlesandi merkir tað, at tey sleppa at royna seg umborð á ymsum skipasløgum, tá ið tey skulu í starvsvenjing á sjónum. Við hesi reiðaríavtaluni eru samstarvsfelagarnir: Thor Shipping, Smyril Line, Bakkafrost, Skansi, Vørn, Havstovan, SEV, MEST, KSS, KJ-Hydraulikk, Standferðslan og TORM.  

Á Vinnuháskúlanum ber til at lesa til maskinmeistara, maskinist, skipara og skipsførara. Umframt hetta hevur skúlin eina skeiðsdeild og trygdardepil við Áir. Á skúlanum ganga um 180 lesandi, og flestu teirra hava annaðhvørt lærutíð ella siglingstíð frammanundan, tá ið tey fara undir at útbúgva seg víðari á Vinnuháskúlanum. Á skúlanum ganga eisini maskinmeistara- og skipsføraraaspirantar, ið hava miðnámsútbúgving frammanundan, og sum fáa siglingstíð sum part av útbúgvingini. Í 2015 tók Vinnuháskúlin á fyrsta sinni inn skipsføraraaspirantar, og í 2018 byrjaðu fyrstu maskinmeistaraaspirantarnir á skúlanum.  

Í sambandi við, at henda samstarvsavtala við TORM er fingin í lag, vitjaðu Jan Lindgaard Høyer, leiðari fyri Training & Recruitment og Jógvan Trondesen Andreasen, Catering Manager hjá TORM, Vinnuháskúlan og høvdu framløgu fyri lesandi og starvsfólki á skúlanum. Á myndini síggja vit teir báðar saman við Símuni Poulsen, skúlastjóra á Vinnuháskúlanum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder