Aftur ein AWI bátur til Grønlands

At grønlendingar eru væl nøgdir við AWI bátarnar er lítið at ivast í. Teir eru jú bygdir til teirra tørv, umstøður og eru ísforstyrktir.

Nú er AWI Boats í Runavík aftur í holt við ein nýbygning til Grønlands. Báturin er ein AWI 39, sum er 39 føtur langur.

Báturin er yvirdekkaður millum dekshúsið og stýrhúsið og skal hava eina prosending fram við lúnningini. Báturin skal fiska svartkalva og toski við gørnum og línu.

Motorurin er ein 266 hestar Polvo Penta og báturin fær alla nútímans navdiska- og trygdarútgerð.

Tað er útróðrarmaðurin Nikolai Therkelsen í Saatut, sum skal hava bátin.

Hann kennir væl dygdina hjá AWI bátunum, tí hann átti ein av teimum trimum AWI 33 bátunum, sum vóru sigldir til Grønlands á sumri í 1998.

Nú ynskir hann sær ein bát afturat, sum er seks føtur størri enn tann gamli.

(Mynd: Føroyska Sjómansmissiónin)

(Mynd: Føroyska Sjómansmissiónin)